 |
Questa pagina a no l'è stæta corretta. | |
— 30 —
E riflettendo,
E meditando,
Han finalmente
Poi conosciûo,
Che senza stelle
In Çê gh'é scûo;
Che queste stelle
Rapidamente
Van da levante
All'occidente;
Che intorno a-e stelle
I nostri antighi
Han piggiôu spesso
Grïgoe pe ombrighi.
Perché e ciammavan
Lanterne erranti,
Candeie aççeize,
Globi volanti,
E fabbricavan
Di straordinäi
Scistemi assurdi
Fra lö contrai.
Tralascio pe aoa
De confûtâ
Questi scistemi
Che no pêuan stâ;
M'attacco ä paola
Globo, e ve prêuvo
In breve ûn semplice
Scistema nêuvo.
