 |
Questa pagina a no l'è stæta corretta. | |
- 26 -
Chi me dà aggiûtto,
Chi me sosten?
Miæ ûn pö che lûxe,
Miæ che bellessa!
Cazzo in deliquio
Dall'allegressa.
Ecco a se pösa:
Ve a lì pösâ;
A se ne rïe,
E a me sta ammiâ.
O stella cäa
Degna d'amô,
Per mi ciû bella
Che a Lûnn-a e o Sô.
Oggi paziensa
Se t'ho insûltôu
Da-o troppo affetto
Squæxi accecôu.
Veddo aoa proprio
Quanto ti m'ammi;
Ti m'invii primma,
E ti me ciammi;
E poi vedendo
Che questi pê
N'han tanto elastico
Da schittâ in Çê,
Ti fæ seiçento
Mïa miggia e ciù,
E per piggiâme
Ti vegni zù.
