 |
Questa pagina a no l'è stæta corretta. | |
- 25 -
Fäsa stella mattûtinn-a,
Ti me brûxi co-i tò lampi,
Ti me ciammi, e poi ti rii,
E ti godi a-i mæ sospii?
Ah te posse vegnî intorno
Unn-a nuvea neigra e scûa,
Ch'a l'intorbide o tò giorno,
Ch'a l'asconde a tò figûa,
Ch'a se sparte, e a bêutte fêua
Lampi, fûrmini e gragnêua!
Ah te passe da vixin
A gran côa d'ûnn-a cometa
Ch'a te faççe in menissin,
Ch'a te cangie in t'ûn pianeta
O ciù vile e abbominôu
Che o gran Giove agge creôu!
Ma cos'ho dito,
Cos'ho pregôu
All'astro bello
Chi m'ha innamuôu!
Silenzio, amixi;
Stella, perdon,
Vortæ ûn pö i êuggi
Là da-o barcon.
Ve a là ch'a scende
Da-i firmamenti
Comme ûnn-a ciûmma
Portâ da-i venti;
Ve a là ch'a l'intra
Ve a chì ch'a ven,
