 |
Questa pagina a no l'è stæta corretta. | |
— 24 —
O chi me rende breve l'intervallo
Che passa dä tò sfera a questo mondo,
Chi me dirizze per no cazze in fallo!
Avvardæve che sghêuo.... sento ne-o fondo
Dell'anima ûnn-a forsa chi me porta;
No me stæ ciù a parlâ, che no rispondo
A-i abitanti d'ûnn-a valle morta.
Fuff... fuff... fuff... (1) perdingolinn-a!
Fuff... fuff... fuff... sangue de bacco!
Scignor no, no se camminn-a,
Mezo parmo no me stacco;
Me pä d'ëse ûnn-a patella
Che pe-i schêuggi a se rebella.
E per cose ti te gii
Cosci belia a-i êuggi mæ,
E per cose ti m'inspii,
Stella ingrata, tanta coæ
De possede nell'altessa
De tò sfere a tò bellessa?
E per cose ti me dî :
Chêu, voentæ, risolûzion;
Säta, e mi te fö vegnî
Co-a mæ forsa d'attrazion;
E ti stendi e braççe e pâ
Che ti m'êuggi in Çê portâ?
Ah crudele pellegrinn-a
Di celesti aërei campi,
(1) Scuotendo da ogni fuff le braccia come per
tentar di volare.
