 |
Questa pagina a no l'è stæta corretta. | |
Quanto chiù ro cervello me lambicco
Appruoevo à questi versi benedetti,
Per vei de muoeve à forsa de sonetti
Questa crua, chi me ten tanto all'appicco.
M'interven giusto com'à l'arabicco,
Me ne vaggo in pancuoetto e in menuetti:
Ogni dì chiù me cazze ri novetti,
Con vei che ogni dì manco ra bosticco.
Fasso ri versi, sempre ri taggiucco,
Ghe staggo dì, e nuoette tanto adosso
Che no ghe lascio un minimo pellucco.
Ma mentre m'assassinno à chiù no posso,
Che peiro à lo ra chiumma, e ri pellucco,
Amo me peira à mi ra porpa, e l'osso.
