 |
Questa pagina a no l'è stæta corretta. | |
Se ra vitta, che fasso, e c'hò da fa,
(Se no veggo atro) in tempo de me vitta
M'havesse da servi per l'atra vitta,
M'havesse in l’atro Mondo da zova,
Spereræ d'havei tanto à merita,
Minetta cara, in quell'eterna vitta,
C'havessi ancon da leze ra me vitta,
C'havessi ra me veiria à zazunna.
Che se de sà me destrassie sì a torto,
In penitentia dro vostro peccou
Me vegnissi anco à fa ro collo torto.
Che con veime cressuo tanto de grou,
Se vivo oura ve spusso chiù che un morto,
Che morto v’oeritasse de moscou.
