Me cuoe, se ro crovave un dì à ri pe
Fuisse un soda trà nuoi ro nostro cuinto
Quanto à mì, l'haveræ per un pan vuinto,
Per levameve un giorno d'aderre.
L'un, e l'atro diræ lodou se De:
Mì saræ fuoe d'un tanto laberinto:
Vuoi, zà che fæ de mi sì poco cuinto,
Giubileressi sciù ri sette Cè.
Ma perche, vitta mæ ra veggo nascie
Che seben sarò morto e sotterrou,
No ghe sarà moe verso che ve lascie;
Purgo donca desà ro me peccou
Onde puoe stà che ancora un dì v'incascie
Che à torto son da vuoi sì tormentou.