 |
Questa pagina a no l'è stæta corretta. | |
In te l'eûjo de strasson...
Inzegnoso ritrovato
Do Lûccasso perchè fasse
Poco frïto do gran sciato!...
L’ëa ciù mëgio de lûmasse,
Stocchefisce pe impî a pansa
Che gallinn-e coscì dûe,
Sensa gûsto per frïtûe...
Oh che razza de pittansa!
Mi m’attasto se ghe son...
Viva o lûsso e l’abbondansa
E o provveditô Falcon!
Gh’ëa de l’ätro, me pä, ancon...
Aspëtæ ûn pö che me gratte
A memöia e cöse scimili...
Sci scignore!... Va beniscimo!
Gh’ëa ûn gran piatto de patatte,
Che ne regallò i villen,
Quattro gatti e çinque chen
Affammæ de sotto ä töa
Che ne voeivan, per demöa,
Roziggiâne (con licensa)
Meschinetti! e gambe e i pê!...
Capitò per provvidensa,
Comme cheiti zù da-o Çê,
