 |
Questa pagina a no l'è stæta corretta. | |
O dev’ëse ben compïo...
Cöse o l’é?... torna ûn buggïo
De duî pesci ben piccin,
Ûn loassetto e ûn sagaettin,
Destannæ per vëo miracolo
E incettæ in ciappa 5 da-o vigile
Erculesco nostro Figoli;
Perchè finn-a o sciô Nettûnno
Congiûrava a nostro danno,
Sté o mâ in calma tûtto l’anno,
Solo grosso o fù d’autûnno,
E, per nostro gran malanno,
Ätri pesci n’ëa poscibile
De trovâ; gh’ëa solo de ostreghe,
Che per genio gastronomico
Se mangiò coscí per preambolo
Per l’ottava colazion,
E per ben disponn-e o stêumago
E fâ ûn pö de saura 6 ä pansa
Quæxi tûtte ûn gran trippon...
Viva o sguasso e l’abbondansa
E o provveditô Falcon!
Cose veddo? Che ödô sento
De frïtamme e de relento?...
Due gallinn-e frïte son
