Pagina:Chittarin zeneize 1881.djvu/127

Da Wikivivàgna

Con fâ o moscio, pe osservâ
Se ciù ninte gh’é restôu!
E o pûpillo ven scordôu,
Ché se no gh’é Martin-bæ,
I pûpilli son strinæ...18

Ah! o l’è ûn gran divertimento
De passâ qualche momento
In geniale compagnia
E osservâ per tanti versi
(Con lasciâghe qualche lïa)
Quanto i ommi son diversi!

Quello o vêu che l'äze o sbutte
Quando o perde ûn pâ de mutte;
Gh’é quell'ätro chi mosconn-a
Quando o ghe l'ha missa bonn-a.

Questo o se frettella e moen,
Quello bägia, questo sbraggia,
L’ätro giascia: perdiesen!
Quello o rïe, l’ätro o s’arraggia,
Maledindo o goffo e a goffa,
E ghe scappa intanto a l....