Pagina:Chittarin zeneize 1881.djvu/128

Da Wikivivàgna

S’arve e scattoe, addio tabacco!
Ghe ven dæto presto o sacco;
No se sente che stranûi
E risetti trattegnûi...

Chi se e tïa, chi se e fa tiâ,19
Chi no vêu mai ciù zûgâ;
Ma o l’é o primmo a l’indoman
Che o veddeì co-e carte in man.

A risponde quello é tardo
Per poeì fâ o passo lombardo:20
L’ätro a posta o v’ha rostïo
E ghe pä d'ëse inricchïo.

Gh’è quell’ätro, gran casann-a,
Chi domanda fâ partïo
Solo quando o l’è in campann-a.21
L’ätro o vêu mette in to sacco
Co-o sò eterno barbacïo
E co-e preise de tabacco.

Finalmente gh’è quell’ätro
Che se o perde a sò muttinn-a