 |
Questa pagina a no l'è stæta corretta. | |
Mai ciù parlo con ti, Maxiña, addio.
Se ti m'intendi, hemmo discorso assæ.
Te lascio in uña piña libertæ:
Ognun pigge de noî ro sò partío.
Da un tempo in ça ti m'hæ per addormío.
Ti te crei che mi accorto non me sæ,
Che ro timon in banda ti me dæ,
E tutte re œuve ti non fæ int'ro nío.
T'ho visto immeizarâ fâ gran papê
In giandon per çittæ con un cappetta,
Che te vegniva sempre de derrê.
Aora femmo così, sciâ Maxinetta:
Levémose l'un l'âtro d'int'ri pê,
E stemmo à vei, chi ha fæto megio incetta
