 |
Questa pagina a no l'è stæta corretta. | |
Se te sento çillâ, brutto fraschetta.
D'Amô, che ti me stæ sempre d'intorno,
E non gh'è caxo che nœutte ni giorno
Ti me dagghi un repóso d'un'oretta...
Sempre à ra fantaxia ra mæ Minetta
Ti me depenzi con ro sò contorno:
Quello cérin chi pâ fæto à ro torno:
Quelli œuggin belli, e quella graçietta.
E sibben che aora a sæ lontan da mi,
Ti me ra pósi lì sempre prezente,
Comme s'a foîsse giusto bello chì.
A o manco, figgioramme impertinente,
Per fâra intrega, fámmera così:
Ti che ti hæ re are, portameghe arrente.
