Pagina:Cava in to remoin 1930.pdf/14

Da Wikivivàgna
Sata a-a navegassion Sata a-a serchia



Sörva de mûagie antighe,
di deröcchae bastioïn
e macchine a vapöre
cantan e sêu cansoïn,

mentre in to nêuvo porto,
a-o posto de galee,
e nave dö commercio
fûmman da-e ciminee.

Tûtta 'na vitta attiva,
ûn slanso de travaggio,
l'ha scançellôu pe sempre
i segni dö servaggio,

e t'ha redaeto ö posto
a tî segnôu da-a Storïa,
scrivendo nêuve pagine
de nêuva e vera gloria.

***


Te vêuggio ben Savönn-a,
nativa mae çittae,
e tûtte insemme abbrasso
e belle têu contrae.