 |
Questa pagina a no l'è stæta corretta. | |
Da l'elegante Cörso
finn-a a-e ciû antighe stradde,
da-i caröggetti streiti
a-e ciasse, a-e têu caladde.
Amo e collinn-e verde
ch'in gio te fan çentûa,
ö mâ che i pê te baxa
e ö nomme têu salûa.
Amo i vinetti gianchi
faeti con l'ûga, a-a vêgia,
e i birbi êuggin de zôene
döve ö têu çê se spëgia.
Amo a franchessa sccetta
di sgrêuzzi têu mainae,[1]
e e belle popölann-e
di Fraighi e di Casciae.[2]
*
* *
* *
