Pagina:Cava in to remoin 1930.pdf/13

Da Wikivivàgna
Sata a-a navegassion Sata a-a serchia



Purtroppo, lungo i secoli
pe côrpa de faziôin,
t'ae supportôu da forte
assedii e distrûziôin.

Dûxi, Marcheixi, Prinçipi,
t'han invidiôu, t'han vinta;
han fabbricôu castelli
in drento da têu çinta,

che battezzae da-a Brilla,[1]
e da l'agûo Speron,
doveivan, ëse ûn scimbolo
d'eterna sôggezion.

Cö zetto de têu case,[2]
ö porto t'han impio,
t'han faeto baxâ a pûvie,
a libertae rapio;

pûre ciû bella e nêuva
da-e çenie t'ë risorta,
pe-a volontae de gente
che ö basto a nö söpporta.

  1. Brilla, Sperone: antichi castelli costruiti dai genovesi e guardie della città.
  2. Zetto: macerie.