Pagina:Çittara zeneize 1745.djvu/313

Da Wikivivàgna

BARNABA CICALA CASERO.


I.
Quando un fresco, suave, doçe vento
A ra saxon ciù bella, a ra megiô,
Treppâ intre fœugge sento,
E pâ ch’o spire amô:
Me ven in mente quella
No Donna zà ma stella,
Quando ro ventixœu ghe stà a treppâ
Dent’ri cavelli, e ghe ri fa mesciâ.

II.
Quarche votta che sento ri oxelletti,
Comme sareiva a dî ri rossignœu,
Cantâ sciù ri ærboretti
Ri vaghi versi sœu:
L'accorto raxonâ,
E ro gentî parlâ
Me ven de quella ingrata dent’ro cœu,
Ch’è atro che sentî ro rossignœu.

III.
Quando mi veggo quarche prao sciorío
Gianco, giano, incarnatto, e porçeletta,
Coverto, e ben vestío
De fresca e verde erbetta: