O Cicciollâ 1930/Sonetto

←O Tortelasso

O Cicciollâ Sonetto

A scoverta dell’America→

lasciòu inalterâ a grafia do "Cicciollâ".

Sonetto

Don!... don!... Chi mêue? Nö seî? L’è o « Saggiatô » !
E de cöse, meschin? Mä!... D’etixia:
O no aveiva che un pö de refreidô!
No l’han curoû a tempo: a l’è finia!
Coscì dixeivan, parlando fra lö,
Dui boin cristien vëi seia, in stradda Pia,
E pregavan pe o poveo peccatô,
Mentre a o Dommo sunnava unn’angonia.
Ma o « Saggiatô », ch’ëa li, poco lontan,
Con tûtt’ätra intenzion che de creppâ,
Sentindo questo, o se frettava e man:
E, andando tranquilliscimo a çenâ,
O pensava de scrive l’indoman
Anche questa tra e frottoe da giornâ.