O Cicciollâ 1930/Randa pastorale

Da Wikivivàgna
O Cicciollâ de Pantalin Moasaña
Randa Pastorale
lasciòu inalterâ a grafia do "Cicciollâ".
[p. 26 modifica]
Randa Pastorale


Pastoî semo, donne mae,
Che in montagna ve inviemo,
Perché dave lá vogiemo

[p. 27 modifica]

Gren diletti se ne amae:
Pastoì semo, donne mae.

Sotta i erbori, contenti,
Con voi, donne, balleremo
E a ra nêutte döçementi
Strenze ì eûggi ve faremo,
Che noi ätri gûsteremo
D’ogni commodo che haggiae:
Pastoî semo, donne mae.

Se ro leto é dûro assae
Onde, belle, noi dormimo,
Çitten semo delichae,
Che in montagna ghe godimo,
Ra durezza compatimo
Per sta freschi aora de stae.
Pastoî semo, donne mae.

Ni de çimexe hemo poira,
Ni de pruxe se ghe sente,
Che ogni dí con ra spazzoira
Nettezemo intregamente,
Che con noi allegramente
Virerei, se ghe restae.
Pastoî semo, donne mae.