O Cicciollâ 1930/Orazione
| ←Traversagno: La legenda de sancta Elizabet de Ungaria | O Cicciollâ de Oraçion |
Ciabrea: Serenata I→ |
| lasciao inalterâ a grafia do "Cicciollâ" |
L'orazione che segue precedeva l’Officio, recitato dai confratelli dell’Oratorio della S.ma Trinità. Da un manuale pergamenaceo dello stesso, posseduto dalla civica Biblioteca di Savona.
Fræli mei carissimi. Noi se torneremo si como peccoi a quella fontann-a uiua a quella fontann-a de misericordia a quella fontann-a Uergene Maria : e sì la pregheremo deuotamenti che ella per la soa sanctissima misericordia e pietae preghe lo so docissimo figio meser Ihu Xre che ello si ne daga gracia che ancoi in questo beneito iorno noi possamo incomenzar e far e dir officio. Lo quar sea alegiamento de tute le anime Xriane le quae sum passae de questa mortar uita. E specialmenti per tuti li fraelli de questa compagnia per li quai noi possamo pregar no seandone degni. Che questo beneito offitio lo quar noi faremo sea feto a honor e a reuerentia de la soa sanctissima passion. Etiamde a honor e a reuerentia de la soa maire sanctissima uergene maria. Etiamde a fructo e a utilite de tute le anime defunte chi sum passae de questa uita mortar e specialmenti per li fraelli nostri infrascripti de questa bea compagnia che meser Ihu Xre docissimo si le alegie de le penn-e de porgatorio e si le menn-e a la soa sanctissima gloria.
Azo che elle seam degne de pregar per le anime nostre e aso che meser Ihu Xre le aregorde e apiame a la soa beneita gloria noi si ge le arregorderemo cum grandissima reuerentia. Inprimeramenti Ihu Xre beneito per li meriti de soa sanctissima passion si li apiame a la soa beneita gloria.