O Cicciollâ 1930/O golfo de Zena
| ←Invocazion | O Cicciollâ de O golfo de Zena |
A ûnn-a rêusa→ |
| lasciòu inalterâ a grafia do "Cicciollâ". |
O golfo de Zena
Lontan lontan de monti ûnn-a cadenn-a
de pin e de castagni popolâ,
che a se destende a mëzo çerciò in mâ,
con çimme cö da çenne sorve a schenn-a:
poi collinn-e, poi fiori e ûnn-a serenn-a
aja de primavera profûmâ,
e barchette chi sorca l’aegua sâ,
e ûn presepio de paixi in sce l’arenn-a.
Da vigile lanterna l’orgogliosa
çimma a se leva là, comme reginn-a
de l’onda placidiscima e tranquilla,
che ne l’ombra da neûtte silenziosa,
arzandose gîgante in sce a marinn-a,
a segna a-e genti a patria do Balilla.