Ms. Ricci 176/Ro zuoego de Ganellin sciu ri zeneixi

by Giurian Rosso

←torna a l'endexo

Poesie in lengua Zeneise de Giurian Rosso Ro zuoego de Ganellin sciu ri Zeneixi - Sonetto

Conti il Duca di Parma→

Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa, -où = dittongo

Ro zuoego de Ganellin sciù ri Zeneixi
Sonetto

Za che con rè Filippo intré a zugá
A Ganellin, no zughé miga in doí
Ma in terso o in quarto senza poeine uscí,
Che sol'a questo muoeo se po guagná.

S'o ve piggia diné, zughé de spá,
S'o metterà de sotto Pappi, e onoí
Intreghe apprueo con ro rè de scioí,

E da puoescia lasciero taroccá.

Mi sò cos'o l'ha in man, si l'è ro matto,
Ni o puoe scacciá un onó, ni fá dre suoê,
Si ben ch'o l'ha scartoù, non gh'è recatto.

Questa votta fá l'urtima o no puoe,
Si ghe besuoegneré molá ro matto,
Se ro mond'a ra fin perde o no vuoe.