 |
Questa pagina a no l'è stæta corretta. | |
Ra pelle ch'invegisce in fin s'arrappa,
E ra morte a piggiaro corre, e trotta,
Così ro Pappa chi stà má, ni è frappa,
Comme za vegio, o vuoe lasciá ra cotta.
Mi son d'opinion, che ra sò cappa
A deggie serto perde in questa lotta,
E che presto viremmo ra sò mappa
In peto a un atro, ma chi stagghe a botta.
Dre bell'Olimpie, che con bell'inchin
Pin de soavité, ciù che l'amé
Ponzan ciù assé dre vespe i ponziggioin.
E lasciando mesciare in tro mesté,
Dri brevi, gratie, Giexe e campanin,
Fan che ro banco torne a San Matté.
Sonetto
Za che con rè Filippo intré a zugá
A Ganellin, no zughé miga in doí
Ma in terso o in quarto senza poeine uscí,
Che sol'a questo muoeo se po guagná.
S'o ve piggia diné, zughé de spá,
S'o metterà de sotto Pappi, e onoí
Intreghe apprueo con ro rè de scioí,
