 |
Questa pagina a no l'è stæta corretta. | |
E da puoescia lasciero taroccá.
Mi sò cos'o l'ha in man, si l'è ro matto,
Ni o puoe scacciá un onó, ni fá dre suoê,
Si ben ch'o l'ha scartoù, non gh'è recatto.
Questa votta fá l'urtima o no puoe,
Si ghe besuoegneré molá ro matto,
Se ro mond'a ra fin perde o no vuoe.
Sonetto
Se re scioi vostre a re ave negheran
Dri tributarij humoí dose rapinna;
Che si che a ruoesa oura deventa brinna,
Che re fará zerá, che seccheran.
Ve fé così da vuoi ro mondo cian,
Se tran fuoera o sagoggio sei n' rovinna;
Ponzan si ve daran ra mattutinna,
Non ra piggié con ro bancá dro pan.
Ve pensé mantegnive? Elan nescioí?
Pe ro paeise, e pe re vostre rive
L'amé senz'ave, e senza ló re scioí?
L'è in man de st'ave in tutto de s[c]ciarive,
Se non mollé faran l'amé per noi,
E ra seira per vuoi da seppellive.
