Ms. Ricci 176/Risposta dro Sig. Gio Giacomo Cavallo a ro sonetto Generoso Cavallo
| ←torna a l'endexo | Poesie in lengua Zeneise de Risposta dro Sig.r Gio Giacomo Cavallo a ro sonetto "Generoso Cavallo". |
A ro sig. N.→ |
| Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa, -où = dittongo |
E mi assì, sció Giurian, m'accorzo
Quanto può l'arte in orató bizarro,
Portoù dre vostre lode in sciù ro carro,
Non ch'un Cavallo me puoere in S. Zorzo.
Re lode, che me dé, ve rendo, e porzo,
Tutt'a vuoi da mi in tutto me desmar[r]o,
Re stimmo quanto vostre, e non piggi'arro,
Benchè in parei non possé fá dro Zorzo.
Quant'a i Ercoli, ch'haggian scorrattoù,
Me basta solo d'ese tra viandanti
Per Poeta Zeneize nominoù.
Ra cede pe ro resto a tutti quanti,
Salv'ese in zelo pubrico arrivoù,
Ommo vivente a puoei passá ciù avanti.