Pagina:Ricci176.djvu/262

Da Wikivivàgna
Risposta dro Sigr Gio Giacomo Cavallo a ro sonetto "Generoso Cavallo".


E mi assì, sció Giurian, m'accorzo
Quanto può l'arte in orató bizarro,
Portoù dre vostre lode in sciù ro carro,
Non ch'un Cavallo me puoere in S. Zorzo.

Re lode, che me dé, ve rendo, e porzo,
Tutt'a vuoi da mi in tutto me desmar[r]o,
Re stimmo quanto vostre, e non piggi'arro,
Benchè in parei non possé fá dro Zorzo.

Quant'a i Ercoli, ch'haggian scorrattoù,
Me basta solo d'ese tra viandanti
Per Poeta Zeneize nominoù.

Ra cede pe ro resto a tutti quanti,
Salv'ese in zelo pubrico arrivoù,
Ommo vivente a puoei passá ciù avanti.