Ms. Ricci 176/A ro sig. N. Sonetto

Da Wikivivàgna
Poesie in lengua Zeneise de Giurian Rosso
A ro sig. N.
Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa, -où = dittongo
[p. 129v modifica]
A ro sig. N Sonetto


Patron mio dolce tenero, et amabile
Me dixan tutti chì, ch'hei feto gemini,
Ch'havei mescioù con ra comá ri semini,
E che gh'hei mostroù fá l'oro potabile.

Se l'è vera sta chì, l'è insopportabile,
A cria da mille miggia bastonemini;
Ma se declinno ben ro verbo memini,
Ancora a no me pá così probabile.

Ma sei che l'è? Ra Donna per natura

[p. 130r modifica]

Con bestia grossa vorenté s'imbarca,
E vuoi ghe sarei parso de mesura;

Che s'eri in tempo la dro patriarca,
Tra ri azeni ciù grossi haveivi cura
De conservá ra spetie d'in tre l'arca.