Ms. Ricci 176/Risposta deta da ro Sig. N. a unna B. D.

by Giurian Rosso

←torna a l'endexo

Poesie in lengua Zeneise de Giurian Rosso Risposta deta da ro Sig.r N. a unna B. D. che veggandoro passá fascioù in tro feriollo con re muoen sciù ro fianco a ghe disse: O che gran veira - Sonetto dro Sig.

A ro sig. N. chi haveiva unna seggetta feta in forma de carrega→

Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa, -où = dittongo

Risposta deta da ro Sig.^r N. a unna B. D. che veggandoro passá fascioù in tro feriollo con re muoen sciù ro fianco a ghe disse:
O che gran veira.

Sonetto dro Sig.^r

A dí che son gran veira havei raxon,
Che quand'insemme havemmo navegoù
Ni ciù fornio de vuoi ni ciù arboroù
O gh'era Bregantin ò Garion.

È vero che vuoi sei tá fregatton,
E così largo, e si descangavoù,
Che fé danno e Brumme d'ogni loù,
E questo pe ra troppo ciavaxon.

A questo má ne ven un atr'in croppa,
Ch'hei tante cannoné dentro dra nave
Che v'han guastoù ro portello de poppa.

Onde v'exortereiva remediave,
Ma, no sò se se truoeve tanta stoppa,
Chi sé bastante per carafattave.