Ms. Ricci 176/Per un favó recevuo de sinque voti favoreivi

by Giurian Rosso

←torna a l'endexo

Poesie in lengua Zeneise de Giurian Rosso Per un favó recevuo de sinque voti favoreivi

A un amigo chi haveiva ra moggié magra.→

Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa, -où = dittongo

Per un favó recevuo de sinque voti favoreivi da ro magistrato dri Straordinarij pe ra protetion dro Sig.^r Marco Senturion per ottegní un decretto contro ro Sig.^r Innosenso Paravexin atre votte so carissimmo amigo.

Cum vulpe vulpezaberis, Caton
L'ha lascioù scrito a carte sento sei,
Ond'heri mi, per ben schivá ro tron,
Me fei prestá da sinque l’Agnus Dei.

Za cantei ro dilexi da mincion,
Andé a Placebo de quondam Matthęi,
Ond'houra un Innosente leventon,
M'oe fá cantá ro miserere mei.

Se n'è San Marco ch'in sta lite ingiusta
Ro fa Venetian, mi staggo fresco
Ma inique oppressioin ro Cé no gusta.

N'ho puoira, mi con furbi no ghe pesco,
Ra baranza d'Astrea sò, che l'è giusta,
Ch'in questa terra l'han marcá de fresco.