Ms. Ricci 176/A ra mesima, aviso d'un figgio nasciuo a ro scio Nicolò Raggio.
←torna a l'endexo | Poesie in lengua Zeneise de A ra Sig.ra Delia Spinnora, aviso d'un figgio nasciuo a ro scio Nicolò Raggio. |
A ra mesima.→ |
Da-o ms. Ricci.176, Arch. Stor. do Comun de Zena, www.storiapatriagenova.it. azonto quarche acenti: acento grave = vocale curta, acento aguçço = vocale longa |
Lustrissima Patronna
Quello, ch'heri gh'ho dito,
Questa mattin ghe ro raffermo in scrito,
Che in somma ra meité
Dro Signor Nicolò
Non è ciù gravia, si no vá dí "oh",
Perche comm'avisandora gh'azonzo
Heri mattin si l'e nasciuo ro fonzo,
Idest un mas[c]cio bello comme ló
Raggio proportionoù de quello só;
Onde ch'a pense lié
Ri gusti dro consorte, e dra moggié,
Ra qua per quello, che me dixan chie,
A l'ha stentoù a faro ciù che mie.
Se ben che mi me pense
Oura ch'a l'ha incommenso
Che, senza dí "no miga",
A ghe n'oeggie de tira fá unna riga,
E per allegoria
Cosi a Voscignoria
Questa mattin seguro
Un atro mascio a ro sò tempo auguro,
Mentre che mando a ra signora Livia
Sta mattin quattro zizore da Scrivia.