 |
Questa pagina a no l'è stæta corretta. | |
Non è ciù gravia, si no vá dí "oh",
Perche comm'avisandora gh'azonzo
Heri mattin si l'e nasciuo ro fonzo,
Idest un mas[c]cio bello comme ló
Raggio proportionoù de quello só;
Onde ch'a pense lié
Ri gusti dro consorte, e dra moggié,
Ra qua per quello, che me dixan chie,
A l'ha stentoù a faro ciù che mie.
Se ben che mi me pense
Oura ch'a l'ha incommenso
Che, senza dí "no miga",
A ghe n'oeggie de tira fá unna riga,
E per allegoria
Cosi a Voscignoria
Questa mattin seguro
Un atro mascio a ro sò tempo auguro,
Mentre che mando a ra signora Livia
Sta mattin quattro zizore da Scrivia.
Lustrissima Patronna,
Vûoi direi "questo matto me mincionna",
Ma fé ra concrusion
Che da unna banda solo havei raxon
Mentre mi heri chì non son vegnuo,
Perchè non ho posciuo,
Oura ve diggo in quinta
Che me mandé ra teira dra strapointa,
