Ms. Ricci 176/A ra mesima

Poesie in lengua Zeneise de Giurian Rosso
A ra Sig.ra Delia Spinnora.

Da-o ms. Ricci.176, Arch. Stor. do Comun de Zena, www.storiapatriagenova.it.
azonto quarche acenti: acento grave = vocale curta, acento aguçço = vocale longa

[p. 4^r modifica]A ra mesima

Lustrissima Patronna,
Vûoi direi "questo matto me mincionna",
Ma fé ra concrusion
Che da unna banda solo havei raxon
Mentre mi heri chì non son vegnuo,
Perchè non ho posciuo,
Oura ve diggo in quinta
Che me mandé ra teira dra strapointa,

[p. 4^v modifica]

Che vuoeggio in somma, che vosignoria
Dra lanna ch'a vorré reste servia,
Se dovesse fin d'houra sciù doi pié
Levara fin de sotta a mé moggié,
Che così non porrà fase de ciù,
Che dave quella donde dormo sciù.
L'e vero, ch'unna Donna mé vexinna,
Me n'ha promisso un po de quella finna.