Ms. Marston 56/De li trenta grai de messê san Ieronimo/6

←Umilitae

Manoscrito Marston 56, 1465 De li trenta grai de messê san Jerömmo Lo sexto grao si è sinplicitae

Perdonâ→

azonto maiuscole, pontezatua, tratin inte forme interrogative e diacrittichi (segondo a prononçia do XVIII sec. e e reggole do Prien do 1745; ecetto "ë" = æ, "ö" = œu);
lasciao a tirde in sciâ "n", in corscivo i atre ligatue, in apiçe e coreçioin posterioî; tra e parentexi quaddre e lettie da azonze, tra e tonde quelle da esponze;

Lo sexto grao si è sinplicitae

Lo sexto grao si è cinplicitae. De la quâ messê Ihu. Xe. disse in lo Evangerio che lo bon homo de lo so bon tezoro o ne mostra lo bem, e lo rê homo de lo so rê tezoro ne mostra lo mâ. Anchora o dixe: "Seai savij como li serpenti e sinplici como lo coronbo."

E de questo sainto Agusti desihëra in che noi demo avei sinplicitae senpiterna^[sic] e sinplicitae coronbina, so è a dî che cossì como lo serpente quando o se vö renovâ o se mete inter um pertuzo bem streito, si che per forssa o ge lassa la pelle vegⁱa, e cossì dè fâ lo homo, che ello se dè avanti castigâ con la sainta penetencia de la consiencia, si che per streta^[sic] providencia de Dee che ello lasse la pelle vegⁱa, soè la uzanssa de li cativi vicij. E anchora quando lo serpente ode le incantacioim chi ge degem nöxe, ello mete una de le orege in terra e inter l'atra o se ge mete la coa, asochè o non possa odî da niguna de le orege. E cossì dè fâ lo homo quando e' l'ode quarche cossa chi non ge piaxe, che ello dè mete una de le orege in terra, soè che ello dè penssâ como lo so corpo è de terra e de terra o dè tornâ, e inter l'atra oregegⁱa^[sic] o ge dè mete la coa penssando como o se meña aprövo pochi bem e pochi piaxei e finarmenti longa danaciom, e cossì lo homo dè esse segasso como lo serpente. E non se dè fâ como fam li fradolenti chi dixem una cossa con la bocha e una atra e' ne fam con lo cör, una cossa e' prometem e una atra e' ne fam, e una ne mostram davanti e una atra ne fam derê. E questa è la falcitae chi se piama duplicitae, contra lo quâ vicio o g'è la bona sinplicitae, la quâ lo homo la dè avei cossì como lo coronbo, lo quâ non a felle ma o va senper a chi ge fa bem, ni se arecorda de quello chi ge fa mâ. E questa è la sinplicitae che dè avei lo homo, la quâ piaxe a Dee.

E sapi che la bona sinplicitae è de natura angelicha, persochè lo angero non saverea fâ mâ, ni inganâ, ni dî boxie, ma o saverea fâ ogni bon rezimento e si savera^[sic] dâ um bon consegⁱo, e cossì lo bon homo sa fâ e dî bem e a fâ e dî mâ o pâ che o non sapie niente. E la rea sinplicitae si è de natura diabolicha, persochè li demonei su^[sic] sotirij a ameistrâ a fâ lo mâ, e mati e descognosenti a fâ lo bem.

La bona sinplicitae si cre sensa herô, e spera sansa timô, e teme sensa herô, serve sansa dorô, conporta sensa forô, core senssa dorô. E quello che l'a in cör si l'a in parolle, e quello che o dixe si fa, quello che o l'a si lo mostra, quello che o pormete^[sic] si lo atende, quello che l'ode si lo cre, quello che o delibera si lo zuiga preffetamenti.

Sinplicitae si è mete lo so cör in Dee con la soa vorentë e non mostrâ atro ni penssâ in atra cossa salvo de piaxei a Dee.

Anchora la bona sinplicitae si è sinple caritae, soè amâ Dee e non atri per ello e non per atra caxom, salvo per la soa bontae, si che lo hamo che ello in avei prosedesse da Dee e per fâ in Dee e finî senpre in Dee.