Lunaio Regiña 1886/E convenzioin de Stradde Ferræ

←A spedizion de trûppe italiann-e in Africa

Lunaio zeneize compilao da-o sciô Regiña & C. pe l'anno 1886 E convenzioin de Stradde Ferræ

Pe-a conservazion do palassio San Zorzo→

Zena, Tip.-Lit. di Fræ Paghen, stradda Luccoi , n. 52 - exemprâ conservao inta Libraja Naçionâ Centrâ de Romma

E convenzioin de Stradde Ferræ.

---

Sûnetto

Depretis con e mille so burlette
O ghe fa stä i aspærti co-i mincioin,
E lasciando sbraggiä fêuggi e gazzette
O l'ha vosciûo che passe e convenzioin.

Bezêugna dî che tante baionette,
E tante corazzæ, tanti cannoin
A iruzzenî zá missi e ancon da mette,
Visto e no visto fan sparî i mioin;

Ne-o caxo estremo s’è pensôu de vende
Tûtte e stradde ferræ do nostro Stato
Co-a relativa mancia, ben s’intende.

E coscì treì sensæ dell’angonia
A son de speculâ de basso in äto:
Fan che da noî o commercio scappe via.