Lunaio Regiña 1886/A spedizion de trûppe italiann-e in Africa
| ←O Fanfaron | Lunaio zeneize compilao da-o sciô Regiña & C. pe l'anno 1886 A spedizion de trûppe italiann-e in Africa |
E convenzioin de Stradde Ferræ→ |
| Zena, Tip.-Lit. di Fræ Paghen, stradda Luccoi , n. 52 - exemprâ conservao inta Libraja Naçionâ Centrâ de Romma |
A spedizion de trûppe italiann-e in Africa.
Dialogo tra A. e B.
Sûnetto
A. In Africa se va. B. Per cose fâghe?
A. Pe rende ciù civili i africhen.
B. Pe faghe mette cappottin e braghe,
E o cappelletto in testa comme a-i chen?
A. Oibö, che nostro scopo l’è d’andaghe
Pe poeì colonizzâ quello terren,
Pe fälo prosperoso e pe levaghe
O traffego di scciavi. B. Tutto ben!....
Ma perchè ne-a Sardegna, ne-a Romagna,
E ne-a Maremma ghe lasciëmo stâ
Sasci, spinn-e, mäl'aia? Oh, che cöcagna?...
A. Con questo ve ghe brûxa? B. Ma ve pâ?
Auguro che säsissa e pan de Spagna
E monti d’öû g’attrêuve a nostra Armâ...