Lunaio Regiña 1886/Pe-a conservazion do palassio San Zorzo
| ←E convenzioin de Stradde Ferræ | Lunaio zeneize compilao da-o sciô Regiña & C. pe l'anno 1886 Pe-a conservazion do palassio San Zorzo |
| Zena, Tip.-Lit. di Fræ Paghen, stradda Luccoi , n. 52 - exemprâ conservao inta Libraja Naçionâ Centrâ de Romma |
Pe-a conservazion do palassio San Zorzo
Sûnetto
Fra tanti monumenti de l’istoia
Che de glorie zeneixi son guardien
Viva chi n’ha sarvôu questa memoia
Chi pêu lottâ co-i secoli lonten!
E Guarchi, Lömellin, Fregosi e Doia,
E Spinoli, e Grimaldi, e Giûstinien,
Da-e vostre seportûe sbraggiæ: Vittoia!
Viva San Zorzo, e i vei repûbblichen?
Scì, de San Zorzo o gran palassio antîgo
Testimonio de gloria e de splendô
No ne o pêu profanä nisciûn nemîgo.
Se ne levassan quest’antîgo önô
E pe Zena o saieìva ûn gran castîgo,
E per l'Italia tûtta ûn disonô.