Lunaio Regiña 1885/L'Ægua da Scrïvia e l'Ægua do Gorzente

←Se foïse...

Lunaio zeneize compilao da-o sciô Regiña & C. pe l'anno 1885 L'Ægua da Scrïvia e l'ægua do Gorzente

Tra ûn Scûltô e o Parente do Marotto→

Zena, Tip.-Lit. di Fræ Paghen, stradda Luccoi , n. 52 - exemprâ conservao inta Libraja Naçionâ Centrâ de Romma

L’ÆGUA DA SCRÏVIA
E L’ÆGUA DO GORZENTE

---

Sûnetto

Quande no gh’ëa che l'ægua do Condûto
E che s’incannellâva ne-a çittæ
L’ægua da Scrïvia, s’ammermäva o frûto
Do primmo pe miggæa d’interessæ.

Dixeivan ch’o l'ëa brûtto, ch’o l’ëa sciûto
D’autûnno, inverno, primmaveia e stæ,
Mentre che quello nêuvo zà costrûto
O l’abbondâva l’ægua a sazietæ.

Aoa, c’han misso l'ægua do Gorzente,
Quella da Scrïvia l’han zà dicciarâ:
Brûtta, cattiva, marsa e spûssolente.

Di baccilli e di microbi a n’aviä:
Ma, comme dïxe ciù d’ûn maldicente,
A l’è question de zêugo de canâ!