Lunaio Regiña 1885/Tra ûn Scûltô e o Parente do Marotto
| ←L'Ægua da Scrïvia e l'ægua do Gorzente | Lunaio zeneize compilao da-o sciô Regiña & C. pe l'anno 1885 Tra ûn Scûltô e o Parente do Marotto |
Ognûn aggiûtta quelli do sò partïo→ |
| Zena, Tip.-Lit. di Fræ Paghen, stradda Luccoi , n. 52 - exemprâ conservao inta Libraja Naçionâ Centrâ de Romma |
TRA ÛN SCÛLTÔ
E O PARENTE DO MAROTTO
Sûnetto
Scûltô.
Sciä scûze, se ûn pö tardi son vegnûo...
E comm’o sta l'amigo?
Parente
Pe-o momento,
No posso dîghe ninte de segûo....Pä che ghe segge ûn pö de mëgioamento...
Scultô
Sciä vêu credde che, appenn-a c’ho sacciûo
Ch’o l’è aggravôu, son cheito in svenimento?
Sciä vedde comme son tûtto in t’ûn sûo!.,
L’affanno c’ho...
Parente
Cöse sciä g’ha lì drento?
Scûltô
Un pittinin de gésso e l’occorrente
Pe poeì piggiâghe a maschera....
Parente
Per bacco,
Sciä l’amma proprio svisceratamente!....
Scultô
Faiö de tûtto pe scolpîlo a-o vëo...
Prexo pe prexo....
Parente
Via, batteime o tacco!...
Passæme a porta, brûtto fariseo!...