Lunaio Regiña 1884/Tra ûnn-a ricca e ûnn-a pövea
| ←O mâ nervoso | Lunaio zeneize compilao da-o sciô Regiña & C. pe l'anno bizestî 1884 de Tra ûnn-a ricca e ûnn-a pövea |
Lasciæli respiä!→ |
| Zena, Tip.-Lit. di Fræ Paghen, stradda Luccoi , n. 52 - exemprâ conservao inta Libraja Naçionâ Centrâ de Romma |
—)(—
Sûnetto
Ricca — Miserìcordia!... E donde ve a metteì
Coscì in t’ûn lampo quella tassa pinn-a
De menestron da nö finîlo in treì?...
D’ammiä me ven a pelle de gallinn-a!...
Mi mangio poco e ninte: (se no seì)
Un tondin de minestra, ûnn-a fettinn-a
De carne, döe bistecche, ûn figo, ûn peì,
E dóe spellinsighæ d'insalatinn-a.
Un granin de formaggio, quattro dïe
De vin bon da bagnâmeghe ûn beschêutto.
E (cöse voei?) Finisce tûtto lïe!...
Pövea — Sensa che mette in lista o crûo e o chêutto,
Se mi mangio pe treì, vosciä pe rïe,
Sciä mangia tanto che nö mangian êutto.