Lunaio Regiña 1884/O mâ nervoso

Azónzi colegaménti
Da Wikivivàgna
←Tra duî che finzan de dase e ûn chi çerca de spartïli Lunaio zeneize compilao da-o sciô Regiña & C.
pe l'anno bizestî 1884 de Giambattista Vigo
O mâ nervoso 		Tra ûnn-a ricca e ûnn-a pövea→
Zena, Tip.-Lit. di Fræ Paghen, stradda Luccoi , n. 52 - exemprâ conservao inta Libraja Naçionâ Centrâ de Romma


[p. 69 modifica]
O MÂ NERVOSO

Dialogo tra ûnn-a Scignöa e ûn Mëgo
—o—
Sûnetto


Scignöa
Da cöse ne proven o mä nervoso?
Mëgo
O ne proven da çærta irritazion

Do scistema cardïaco, bilioso...

Scignöa
Sciä me ne faççe mëgio a spiegazion.


Mëgo
O l'è ûn ma provocôu da sangue ûmöso

Un mä de modda nêuva e de stagion,
Un mä, che se o no n’è pericoloso,
O ghe mantegne o corpo in convulscion.

Un mä che ne pròven dä moscitæ...

Scignöa
Ma scinn-a i poveì questo ma no l'han?
Mëgo
A lô o ghe säta dä necescitæ.


Scignöa
Ma pe guarîlo?
Mëgo
I meghi g’ordinian:
Pe vosciä da gran dieta, e pe-i despiæ

Meno ambizion e lûsso, e ûn pö ciû pan.

Estræto da "https://lij.wikisource.org/w/index.php?title=Lunaio_Regiña_1884/O_mâ_nervoso&oldid=41334"