Pagina:Lunaio.Reginna.1884.djvu/69

O MÂ NERVOSO

Dialogo tra ûnn-a Scignöa e ûn Mëgo
—o—
Sûnetto

ScignöaDa cöse ne proven o mä nervoso?
MëgoO ne proven da çærta irritazion

Do scistema cardïaco, bilioso...

ScignöaSciä me ne faççe mëgio a spiegazion.

MëgoO l'è ûn ma provocôu da sangue ûmöso

Un mä de modda nêuva e de stagion,
Un mä, che se o no n’è pericoloso,
O ghe mantegne o corpo in convulscion.

Un mä che ne pròven dä moscitæ...

ScignöaMa scinn-a i poveì questo ma no l'han?
MëgoA lô o ghe säta dä necescitæ.

ScignöaMa pe guarîlo?
Mëgo

I meghi g’ordinian:

Pe vosciä da gran dieta, e pe-i despiæ

Meno ambizion e lûsso, e ûn pö ciû pan.