Lunaio Regiña 1884/Lasciæli respiä!
| ←Tra ûnn-a ricca e ûnn-a pövea | Lunaio zeneize compilao da-o sciô Regiña & C. pe l'anno bizestî 1884 de Lasciæli respiâ! |
A-o telefono→ |
| Zena, Tip.-Lit. di Fræ Paghen, stradda Luccoi , n. 52 - exemprâ conservao inta Libraja Naçionâ Centrâ de Romma |
Sûnetto
Dïo! din! din! din! - Chi sêunna stamattin?
A commiscion di poveì innondæ.
Din! din! din! din! - Chi streppa o sûnaggin?
A commiscion di zembi e di stropiæ.
Din! din! din! din! - Chi rompe o chittarin?
A commiscion di povei dannezzæ
Dall’incendio " Din! din! - Chi sêunna? Din?
O cûrlo di pivetti abbandonæ.
Din! din! din! din! - Chi sêunn-a? A commiscion
Di povei dannezzæ da-o terramotto
D'Ischia, chi mêuve i sasci a compascion.
Din! din! din! - Se se và de questo trotto,
Sciä me costrinze a dî che no ghe son,
O, pe cangiä de scîto, a fä fangotto.