Lunaio Regiña 1884/A-o telefono
| ←Lasciæli respiâ! | Lunaio zeneize compilao da-o sciô Regiña & C. pe l'anno bizestî 1884 de A-o telefono |
O risotto→ |
| Zena, Tip.-Lit. di Fræ Paghen, stradda Luccoi , n. 52 - exemprâ conservao inta Libraja Naçionâ Centrâ de Romma |
Sûnetto
Din, din, din - Sciä l'è pronto? " Scignorscì
- Gh’è quello tale Togno, da spellä.
" Benone! Sciä me o mande chì da mì...
Ch’o no ghe scappe.... - Sciä me lascie fä.
Din, din, din - Sciä l'è pronto? " Chi gh’è lì?
- Gh’è quello da cambiale protestà...
" O ghe domanda e mæ notizie? - Scì!...
" Me metto e gambe in spalla pe scappä.
Din, din, din - Sciä l'è pronto?.. Chi va là?
O confidente da Questûa " De nêuvo?
— A stazion gh’è l’ommetto che sciä sà.
Din, din, din - Sciä l’è pronto? " Sempre pronto.
— In casa ghe son sola " Sciorbo ûn êuvo,
E sciä m’aspëte ûn pittinin che monto "