Lunaio 1810/A Ninetta
| ←Ritrêto de Veonichetta | L'Enciclopedico - Lunario per le Dame - 1810 de A Ninetta |
O ratto de coniggio e o ratto de gexa→ |
| torna a-i atri lunai |
A Ninetta
Sonetto
Vegni Ninetta caa, bocchin d'amè,
Rescioemose in sto praò tra l'ærbe e scioì
Vegni, e fa vedde a chi se spegia in no[ì]
Che no gh'è solo o paradiso in çè.
Vegni che ti vediê sotto i to pê
A rœusa modestinna e fœggie arvì
E vergognase a o to confronto e dî
Che ti ê graziosa e fresca ciù de lè.
Çerte cochette nescie invexendê
Che vœuan tutto assazà senz'assavoì
E quanto assazan ciù son ciù affamê
So, mæ cœu, che rìian de mi, de ti,
Ma rìan quant'œuan: se son per ti mi assì
Ninetta, anima mê, ti è assê per mi.