Laude zeneize/7

←VI. In lo di de lo iudicio.

Laude zeneize do XIV sec. VII. Laudes beate virginis Marie.

VIII. Della Anonciacion de nostra dona.→

ms. D.1.3.19 Bibl. Berio - ed. da V. Crescini e G.D. Belletti, Giornale Ligustico X, 1883
torna a-a lista di atri scriti

VII.
Laudes beate virginis Marie.

O Stella matutina,
doce vergene Maria,
altissima regina,
4metine in santa via.
O Stella matutina,
pina de gran splendore,
o roxa senza spina,
8chi dai si doce odore;
altissima regina,
pregai lo Creatore,
che ello ne perdone,
12e ne meta in santa via.
Pregai lo Creatore,
regina, se a voi piaxe,
che ello ne perdone,
16e mande inter noi paxe;
de lo so doce amore
li nostri cor abraxe
quelo Segnor veraxe,
20chi n'à tuti in bairia.
Pregai lo fijor vostro,
maire de pietae,
chi in croxe fo morto
24per le nostree pecae,
che ello mande paxe tosto
in la Cristianitae,
in la nostra citae,
28in Toscana e in Lombardia.
Pregai, o doce maire
pinna de misericordia,
per le terre e le citae,
32onde è guerra et discordia,
che ello debia mandar
paxe e bona concordia,
et onde [è] paxe e bona voya
36conforta tuta via.
Pregai per la terra santa,
onde Criste portà passion,
che la gente cristiana
40ge possa servir lo Segnore;
pregai per la gente pagana,
che elli crean allo Creatore,
et quelli chi son in errore
44li meina in drita via.
Pregai per li naveganti,
che per voi elli sean salvai;
dai conseio alli mercanti,
48et li poveri aitoriai;
li peregrini et viandanti
da voi sean consorai,
et alli infermi e tribulai
52daigi la vostra aya.
Pregai per li peccaoi,
chi a voi voren tornare,
che per vostro amor
56gi debia perdonar.

Per voi beneita fiore
ogni homo se po salvare;
ben devemo sperare
60in voi, doce Maria.
In voi, doce Maria,
ogni homo si à speranza;
alli iusti voi dai aia,
64alli peccaoi perdonanza,
et pregai tuta via
lo Re de gran possanza,
che ello li dea perseveranza
68a questa compagnia.