Laude zeneize/4

←III. Della epiffania de lo nostro Segnor Jexu Criste.

Laude zeneize do XIV sec. IV. Della primera domenega de quareixema fin alla domenega de la passion.

V. Della resuression de Iexu Criste.→

ms. D.1.3.19 Bibl. Berio - ed. da V. Crescini e G.D. Belletti, Giornale Ligustico X, 1883
torna a-a lista di atri scriti

IV.
Della primera domenega de quareixema fin alla domenega de la passion.

Pianzamo cum dolore
tute le nostre peccae
tornando allo Segnore
4cum grande humilitae.
Or pianzamo le pecae
cum grande pentimento,
tornando a Iexu Criste
8in questo santo tempo,
demandandogi perdonanza
cum proponimento
de non far falimento
12alla soa maestae.
Ogni peccaor se penta
e non sia più indurao
goardando lo doce Criste
16son la croxe ihavao.
Le braze ten averte,
et lo so cor lanzao,
et ello sta apparegiao
20cum grande humilitae.
Criste inclina la testa
chi paxe ne vole dare,
cum le soe sante braze
24ello ne vol abrazare,
lo so lao si è averto
per noi amaistrare,
che ello ne vo perdonare
28le nostre iniquitae.
Or quar è quello servo
si re e si marvaxe
chi ne vor abrazar lo Segnor
32e far cum seigo paxe?
De dixe allo peccatore
como paire veraxe:
doce fijo, a mi no piaxe
36che tu mori in le peccae.
Or chi à ofeixo a Criste
si sea doloroxo,
et pianza confessando
40lo so peccao ascoxo,
chi è stao crudelle
devegna pietoxo
allo proximo necessitoxo
44fazando caritae.
Et prendemo la croxe
de la santa penitencia,
in questi santi iorni
48fazando astinencia;

vivamo honestamenti
cum pinna consciencia,
portando in paciencia
52tute le adversitae.
Serviamo lo doce Criste
cum gran devocione,
cum santi zezunij
56et devote oracione,
aprehendando disciplina
cum grande afliccione,
azò che ello ne perdone
60le nostre perversitae.
Pijemo noi amaistramento
da Maria Madareina,
et pianzamo a li pei de Criste
64cum dolor et cum peina;
or mondemo li nostri cor
in questa quaranteina
a receiver a Pasca in la ceina
98lo agnelo de puritae.