Pagina:Giornale Ligustico 10 1883.djvu/334

Da Wikivivàgna
Sata a-a navegassion Sata a-a serchia

332 GIORNALE LIGUSTICO

13.
vivamo honestamenti
cum pinna consciencia,
portando in paciencia
tute le adversitae.

14.
Serviamo lo doce Criste
cum gran devocione,
cum santi zezunij
et devote oracione,

15.
aprehendando disciplina
cum grande afliccione,
azò che ello ne perdone
le nostre perversitae.

16.
Pijemo noi amaistramento
da Maria Madareina,
et pianzamo a li pei de Criste
cum dolor et cum peina;

17.
or mondemo li nostri cor
in questa quaranteina
a receiver a Pasca in la ceina
lo agnelo de puritae.


V.
Della resuression de Iexu Criste.


1.
Voi qui pianzeivi cum dolore
lo bon Iexu crucificao,
or v'alegrai per lo so amor
che l'è ancoi resuscitao.

2.
Voi chi pianzeivi cum dolore
la morte de Ihesu pietoxo,
chi à spanso per nostro amor
lo so sangue precioxo,

3.
or v'alegrai in questo iorno
cum la soa doce maire;
ello la vosse allegrare
quando ello fo resuscitao.

4.
Or quanto aveiva alliegro lo cuore
la doce vergen Maria,
vegando lo so fijor
resuscitao cum grande bairia!

5.
Or che dolce compagnia
aveiva la maire cum deporto!
Lo so fijo che ella vi morto
aora lo vè resuscitao.

6.
Maria vi morto sum la croxe
Criste, chi tanto l'amava,
et quando Iosep lo depoxe
cum gran pianti l'abrazava;

7.
ma ancoi ella si se allegrava
cum lo so fijor Re de gloria:
ella lo veiva cum gran vitoria
vivo et glorificao.

8.
Le Marie monto triste
andavan allo morimento
per unzer lo corpo de Criste
cum lo precioxo unguento,

9.
et l'angero chi sezeiva dentro
disse: non ve dubitai;
esso ben à chi cercai,
Iexu Criste crucificao.

10.
Or, Marie, or v'alegrai,
resuscitao è lo Segnore
et li soi discìpoli confortai,
chi pianzen cum gran dolor;

11.
in Galilea cum gran splendor
voi veirei Criste omnipotente,
et diro a Pero certamenti,
chi l'aveiva renegao.

12.
Et Maria Madareina,
chi aveiva lo cor pu tristo,
et si cercava cun gran peina
lo so doce maistro,

13.
lo Segnor ella ave visto:
un ortolan lo semeiava,
et cum gran pianti lo spiava
onde Criste era portao.

14.
Li Zuè si m'àn levao
lo me Segnor, e si l'àn morto;
se tu l'avesi soterao
dentro da questo to orto,

15.
mostrame lo me comforto:
si l'anderò a pijhar
per portar a la soa maire,
chi l'aveiva tanto amao.

16.
Lo Segnor dise: o Maria!
E ella gi vosse li pei baxar:
ello da le se desparia,
e non se lassà tocar;

17.
et poa vosse consolar
la maire insemelmenti.
Chi lo tocavan docementi,
li soi pei i àn baxao.

V. 5. — Fot qui si ha in fondo alU faccia pre- cedente, ove, secondo il vecchio uso (ma non ('j F. Lxvini V. sempre nel nostro ms.), s* indicano le due prim» parole iniziali della faccia su^essiva. O F. Lxx r.