Due brocche de viovetta/O giorno de Natale
| ←A nêutte de Natale | Due brocche de viovetta de O giorno de Natale |
Lettera pe l'ûrtimo dell'anno→ |
| ed. www.liberliber.it 2010 |
(II SPEGASSO)
Dixe o messiavo: – ancon solo due dia
de quello barbaresco cö pessigo:
o s'impe o gotto, e, mentre o se l'ammïa:
"o mette a posto o chêu da vegio amigo.
Scin che questo o me tegne compagnia
do mûggio d'anni no me importa ûn figo;
che bello vin!... che cô!.. comm'o s'asbrïa!..
viva!.. sento che torna o vigô antigo".
Intanto o çeppo o brûxa in to cammin:
äto duî parmi, biondo comme o gran,
säta e balla pe-a stansa ûn biricchin:
chi ciöma a-o fêugo, chi fûmma, chi beive;
veddo ûnn-a man chi çerca ûnn'atra man...
fêua, se prepara ûnn-a chêutta de neive.