Documenti in vorgâ de l'Ofiççio de Sanzorzo e de so colonnie d'oriente/Denonçia anonnima 16 ago. 1474

Da Wikivivàgna
Sata a-a navegassion Sata a-a serchia
Documenti in vorgâ de l'Ofiççio de Sanzorzo e de so colonnie d'oriente
a cua de P. Amedeo Vigna
16 ago. 1474 - Denonçia anonnima contro i pubbrichi ofiçiæ do conso Giustignan.
Resta de Cafà - Processus sindicamentorum domini Baptiste Justiniani de Oliverio (ed. into Cod. Dipl. de Colonnie Taoro-Ligure, Atti da Societæ Ligure de Stoia Pattria, VII-2, 1879)
in corscivo paole latin-e, toscan-e e grafemi latin-toscanizanti; tra parentexi quaddre e lettie da azonze, tra parentexi tonde quelle da esponze; azonto maiuscole e diacritichi (ë = æ).

[p. 435 modifica]Quidam movuo a utilitade de la Repubblica e per lo ben de la masseria constituio davanti da voi signoi sindacaoi a sindicâ lo magnifico messer Baptesto Justiniano cum la soa famiglia e specialmenti li suoi cavarê.

Denunciat vobis quemadmodum li dicti cavarê contra la forma de le regole e de le lettere de lo magnifico Officio continuamenti hano faeto raxone coscì in civili como in lo criminali in la lor taberna così de nocte como de jorno, e specialmenti in la cossa de lo criminale, faciendose pagare ingordi pagamenti da li poveri homini, como in parte sa Bartholomeo da Sexin chi sa che Vartares Tochehi a pagao asperi XXXX in la lor taberna per farge remette una coza chi era za faeta in [...] e demandë a Abram Stenarolio greco lo qua a pagao quello che o ve dirà, e monti altri chi non se san, e questo contro ogni debito e contra li comandamenti de lo magnifico Officio e in grande detrimento de la masseria, convertando in lo proprio uzo quello chi deveiva vegnir in la massaria e in lo comun. E sun questa parte vogliati vei le regole e le lettere de lo magnifico Officio chi fan expressa mention che non se [p]osse fa raxon in la taberna, le quali regole e lettere se ve exibissan. E demandë ancora a Augostino de le Piane chi ve dirà monte cosse de li dicti cavalerij soto sacramento, a lo quale li dicti cavarê an faeto un pacto asò che non li acuze.

Ancora acusa li dicti cavaleri como publicamenti hanno havuto una mangiaria de asperi II mila da uno maxellâ saraceno chi fo esti [p. 436 modifica]jorni ferio, abiando trovao lo dicto maxellâ in so donna, e de questo porrei interrogâ Johanne Toiran speciaro e Laurentio Venetian chi è staeto lo tavernâ. Queste cosse non se pon provâ a compimento, salvo che se dessa raxon habiando indicij.

Item denunciat et accusat li dicti cavarê li quë non hanno tegnuo lo numero de li servienti como eran obligae a tegnî, e se han tegnuo servienti non ne an mai avuo salvo o cinque o sexe, e se besognava destegnî un povero homo era necessario che li cavarê lo destegnissen. Poi considerâ a che fin l'era faeto, et de questo porrei demandâ li scriven et li altri homini de logia e haverei debita information. Li quë cavarê han faeto monte e monte altre cosse.

Per tanto vogiae pro debito e honore vestro chierâ le cosse sopradicte e condennâ li dicti cavarê in quella penna condegna, aciochè sia exemplo a li altri chi an a vegnî chi vorran fare malle, e non vogiati che li cavarê tiren lo sodo de la massaria per li servienti per li quë non an tegnuo, e ve se arecomanda lo honore vestro.

MCCCCLXXIIII die martis XVI augusti in vesperis.