Ciaravalle 1833/Sciaradde e indovinelli

by Martin Piaggio

←E Commisciôin

Ciaravalle zeneize pe l'anno 1833 de Martin Piaggio Sciaradde e indovinelli

O Dottô, e o Carettë→

SCIARADDE, E INDOVINELLI.

O mæ primmo in zeneize o l'afferma;
O mæ terzo in tedesco o conferma;
Ao secondo imprestandoghe l'î
Do mæ terzo o diventa mezûa;
L'Architetto se sente applaudî
Se o mæ tutto o l'osserva in te tutto,
Chi da ae cose ciù gaibo, e figûa
E o se ciamma? ... aggiuttæmelo a dî.

Passa o mæ primmo,
L’atro sta in porto,
L’intrego in regola
È un Passaporto;
Chi n’indovin-na
È sciollo, o morto.